Z miłości do gwary

Rozmowa • Z Marią Glacel (pseudonim Meri), mieszkanką Brożca, prezenterką internetowego radia „Bercik Silesia”. Na prośbę naszej rozmówczyni jej odpowiedzi publikujemy w gwarze śląskiej 

 

Moja pierwszoł audycjoł pokołzała se 29.04.2009 roku. Postanowiełach, że jejźli lubiam śląskie szlagry to czamu mom nie spróbować prowadzić swojy programy. Najgożi było jak żech już siedziała przed ekrana laptopa i miałach coś powiedzieć ten pierwszij rołz, to ranki mi se pociyły. Miałach dziwne wrażyniy jak to baje skoro łoni mie nie widzo, a mie słyszą, jak słuchołcze mie w ogóle odbierajom (śmiych).

 

Cza mieć jakyjś swoj kont. Musi tam być w miara cicho żeby se można było skupić. Joł to moje miejscy nazywom: ,,azylam spokoju”, bo jak zakłołdom słuchawki na uszy to zapominom o całi rzeczywistojści i problymach życia codziynnygo. Je żech skupionoł na moji pasji. Ważni je komputer z dobrom kartom dźwiynkowom, musi tyż być dobri serwer i łoncze internetowe. Potrzebny som tyż specjalny konsole i programy muzyczny. Na poczontek potrzebnoł je swojoł muzyka, czyli płyty CD ze znanymi wykonwcoma. Oprócz sprzyntu liczą se tyż: kreatywnojść, dobry chynci i chynć rozprawiania z ludźmi. 

 

W sumie je nołs 17. Z terynu województwa łopolskiego som dwie osoby, joł i jeszcze jednoł zy Strzelyc Łopolskich i ktoś z Piykar Ślonskich. Inni pochodzom z Polski, ale chcieli se polepszyć życie wiync wyjechali do Rajchu...